【 睇全民造星 有冇重燃你嘅夢想？】#MrBusiness #全民造星3
近期聽同事講起全民造星3，見佢地講得咁興高采烈我都睇埋一份。不得不承認當中大部分參賽者為自己夢想奮鬥的歷程，都睇得令人熱血沸騰，鏡頭背後賺人熱淚的心底話更不禁令人回想自己最初進入職場的「初心」。
眼見有參賽者失敗完再參賽再失敗再參賽；最印象深刻是 E-kids 出道的 Alan 40歲仍不放棄自己的歌唱事業，縱然面對不少批評，但他仍毋忘初衷，身體力行証明自己實力，更不因年紀包袱放棄理想。
不得不承認，我地喺職場打拼時間耐咗，來自環境的羈絆會越來越多，曾經的夢想已不斷在生活與現實中，慢慢被磨滅與遺忘。曾經我有個舊下屬工作表現出眾，升職在望，正當每個人都以為他會接棒時，他毅然辭職，給自己一年時間整理思緒重新出發。幾個月前碰到他，原來他當時用一年鑽研自己一直喜愛的素食，開設餐廳，現在更已有多間分店，這種 Guts 確非人人都有。
有人話為工作糊口，只好放棄夢想。無可否認，工作和飯碗密不可分，要兩餐溫飽就要先要有收入。如果工作係自己夢想同時又可帶來收入，當然係最理想。但若自己的夢想未能獲得穩定收入，其實一樣可以去工作，以賺取的收入來追夢。曾經有一位大學同學，畢業後做投資銀行，收入非常可觀，在一次聚會中，他提到自己的興趣其實是茶道，他明白工作可以為他換取收入，讓他在工餘時間可以學習有關茶葉的專業知識同享受茶道。隨著不斷他深入研究和了解市場，最後時機成熟，更成功創立自己的茶葉品牌。所以，無論你處於任何情況，你都可以追夢，分別在於你在有限的時間和資源下，如何有勇有謀地行自己的路。
無論以夢想為生、或以邊打工邊支持自己向夢想進發，都係實現夢想的好方法。如果你既夢想已經變得模糊，希望你搵返佢，做個追夢人。
Search